Dwars deur die ontvouing van God se merkwaardige heilshandelinge met sy Kerk word dit duidelik dat Hy deur middel van verbond Hom aan die mens verbind. Ons tref verskeie verbonde (of verbondsopenbaringe) in verskillende epogge van die heilsgeskiedenis in die Skrif aan. Hierdie skrywe wil op twee verbonde toespits, naamlik die werkverbond en die genadeverbond.
Waarom is ons gered? Tot watter doel is ons verlossing? Wat is God se plan vir ons? Die doel van die Christelike lewe is om in heiligheid te wandel - dit is God se plan vir ons - en hierdie lewenswandel word nie aan lippetaal geken nie, maar aan ‘n opregte gesindheid van die hart.
Jaloesie word algemeen deur ons as ‘n ondeug gereken, maar tog word daar vir ons in die Skrif gesê dat God jaloers is. Op die oog af, val hierdie beskrywing van God se karakter ons sleg op die oor en dit mag moontlik ‘n gelowige laat struikel. “As God goed is”, sal ons vra, “hoe kan Hy dan jaloers wees?”
